कर्णालीका दुई लाख नागरिक बीमाको पहुँचमा

 सुर्खेत : कर्णाली प्रदेशको कुल जनसंख्या अनुसार १६ लाख ८८ हजार ४१२ मध्ये दुई लाख १७ हजार ६५० जना  बीमाको पहुँचमा रहेका छन् ।

नेपाल बीमा प्राधिकरण कर्णाली प्रदेश कार्यालय प्रमुख पदमप्रसाद सोडारीका अनुसार यहाँ सावधिक जीवन बीमा गर्ने ६५ हजार ६७२, अग्रिम भुक्तानी जीवन बीमा गर्ने, १९ हजार ८३७, रुपान्तरित जीवन बीमा गर्ने १२ हजार ११९, बालबच्चासम्बन्धी जीवन बीमा गर्ने ६० हजार ८०६, आजीवन बीमा गर्ने ८ हजार २८२, एकल बीमा १ हजार ४४०, म्यादी जीवन बीमा गर्ने ६ हजार ४१४ र लघु बीमा गर्ने ४३ हजार ८० जना रहेका छन् ।

कर्णाली प्रदेशमा निर्जीवन बीमाको अवस्थामा निकै न्यून रहेको कार्यालय प्रमुख सोडारीले जानकारी दिए ।

कर्णाली प्रदेशमा निर्जीवन बीमाअन्र्तगत सम्पत्ति बीमा गर्ने १४ हजार ८९०, सामुद्रिक बीमा गर्ने १३९, मोटर बीमा गर्ने २३ हजार ८४१, इन्जिन तथा ठेक्का बीमा गर्ने ७०३, बिबिध बीमा गर्ने ३ हजार १७५, कृषि बाली बीमा गर्ने ११ हजार ५३६ र लघु बीमा गर्ने २ हजार ६९६ जना रहेको कार्यालय प्रमुख सोडारीको भनाइ छ ।

कर्णालीमा वित्तीय क्षेत्रमा वित्तीय क्षेत्रमा काम गर्ने संघ संस्थाहरुको न्यून उपस्थिति, वित्तीय क्षेत्रमा काम गर्ने संस्थाहरुमा समन्वयको अभाव रहेको सोडारीको भनाई छ । प्राधिकरणले कर्णालीमा बीमितको हितमा काम गरिरहेको उनको दाबी छ ।

कर्णाली प्रदेश सरकारका आर्थिक मामिला तथा योजना मन्त्री बेदराज सिंहले बीमालाई शहर बजारमा मात्र केन्द्रित नगरि गाउँ–गाउँसम्म पु¥याउनुपर्ने बताए । उनले कर्णालीका दुरदराजका नागरिकसम्म बीमाको पहुँच विस्तार गर्न प्रदेश सरकारले सहयोग र सहजिकरण गर्ने बताए । कर्णालीमा बीमा क्षेत्रमा देखिएका समस्याहरु समाधानका लागि आवश्यक सहयोग प्रदेश सरकारले गर्ने मन्त्री सिंहको भनाई छ ।