वीरेन्द्रनगरमा घरबाटै १२ तोला सुन चोरी

सुर्खेत  : सुर्खेतको वीरेन्द्रनगरमा दिउँसै सुन चोरी भएको छ । भैरवस्थान पिपल चौतारा टोलमा बस्ने शंकरप्रसाद रिजालको घरमा बिहीवार दिउँसो चोरी भएको हो  ।

चोरी भएको सुन करीव १२ तोला रहेको छ । आफु घरभन्दा बाहिर भएको र घरमा कोही नभएको मौका पारेर चोरहरुले घरका ढोका तोडफोड गरी दिउँसो सुन चोरी गरेको घरमुली रिजालले बताए ।

उनकाअनुसार रानीहार १, मिनिहार १, बाला २, औठी २, मागटिका १, चन्द्रमा १, झुम्का २ र पाउजु १ जोर गरी करिब १२ लाख बराबरका गरगहना चोरी भएका छन् । रिजालले गरगहना चोरी भएको बारे सुर्खेत प्रहरीलाई जानकारी दिएका छन् ।

यता, सुनचाँदी व्यवसायी महासंघ सुर्खेतले भने गरगहना चोरी भएकाले बिल विना कुनैपनि पसलमा बिक्री गर्न आएमा प्रहरीलाई खबर गरिदिन आग्रह गरेको छ ।