सुर्खेततर्फ आउँदै गरेको गाडी दुर्घटना : चार जनाको मृत्यु, २५ जना घाईते

सुर्खेत  : दैलेख बजारबाट सुर्खेततर्फ आउँदै गरेको गाडी दुर्घटना भएको छ । वीरेन्द्रनगर–१४, को रातानाङ्ग्ला नजिकै फोर्स गाडी दुर्घटनामा परी चार जनाको मृत्यु भएको छ । 

 शुक्रबार दिउँसो दैलेख बजारबाट सुर्खेततर्फ आउँदै गरेको फोर्स गाडी दुर्घटनामा परेको हो ।

कर्णाली प्रदेश ०२००१ ख ०९९८ नम्बरको गाडी अनियन्त्रि भई  भिरमा खसेकाले एकिन विवरण संकलन गर्न नसकिएको प्रहरीले जनाएको छ । प्रहरीका अनुसार दुर्घटनामा परी २५ जना घाईते भएका छन् ।

घाईते २५ जनाको उद्दार गरी थप उपचारका लागि कर्णाली प्रदेश अस्पताल सुर्खेत पठाइएको छ । २९ जना सवार उक्त गाडी सडकभन्दा झण्डै दुई सय मिटर तल खसेको छ । घटनाबारे थप विवरण आउन बाँकी रहेको प्रहरीले जनाएको छ।