कालिकोटमा बोलेरो जिप दुर्घटना : ६ जनाको मृत्यु, ७ जनाको हेलिकप्टरमार्फत उद्धार

सुर्खेत  : कालीकोटको पलाँतामा आइतबार बोलेरो जिप दुर्घटना हुँदा कम्तीमा ६ जनाको मृत्यु भएको छ। कर्णाली प्रदेश प्रहरी नायब उपरीक्षक नारायण डाँगीले दुर्घटनामा घाइते भएका १३ मध्ये ७ जनाको उद्धार गरि उपचारका लागि प्रदेश अस्पताल कालागाँउमा लगेको जानकारी दिए । 

आइतबार साढे तीन बजेतिर थिर्थुबाट रामनाकोट जादै गरेको  कर्णाली प्रदेश ००१ ज ५६ नम्बरको जिप पलाँता गाउँपालिका–७ को राडुनेटा भन्ने ठाउँमा जिप दुर्घटनामा भएको हो । 

घटनाबारे थप विवरण भने आउन बाँकी रहेको डाँगीले बताए ।