मध्यपश्चिम विश्वविद्यालयमा नेविसंघका खड्काको प्यानलै विजयी

सुर्खेत : मध्यपश्चिम विश्वविद्यालयको स्वतन्त्र विद्यार्थी युनियन (स्ववियु) मा नेपाली कांग्रेसनिकट नेपाल विद्यार्थी संघको प्यानल नै विजयी भएको छ । नेविसंघका विवेक खड्का नेतृवको प्यानल नै विजयी भएको हो ।

सोमबार भएको मतदानमा नेकपा एमालेनिकट अनेरास्ववियुका जगतजंग शाहीलाई पराजित गर्दै खड्का अध्यक्षमा निर्वाचित भएका हुन् ।

भर्खरै सार्वजनिक नतिजा अनुसार खड्का ११८७ मत प्राप्त गरी विजयी हुँदा उनका प्रतिद्वन्द्वी शाहीले ९०७ मत प्राप्त गरेका छन् । अध्यक्षका अन्य प्रत्यासीहरु प्रकाश विकले २७५ र मिलन बिसीले २३१ मत प्राप्त गरे । कुल चार हजार तीन सय ८३ मतदातामध्ये दुई हजार आठ सय ६४ जनाले मतदान गरेका थिए । सचिव र कोषाध्यक्षमा पनि नेविसंघकै उम्मेदवार निर्वाचित भएका छन् ।